நீங்கள் தேடியது "புதுவை சட்டசபை"

புதுச்சேரி:

புதுவையில் ஹெல்மெட் கட்டாயத்தை எதிர்த்து அ.தி.மு.க. எம்.எல்.ஏ.க்கள் அன்பழகன், பாஸ்கர், வையாபுரிமணிகண்டன் ஆகியோர் சட்டமன்ற வளாகத்தில் ஹெல்மெட்டை தரையில் போட்டு உடைத்தனர்.

இது சட்டவிரோதமானது என கிரண்பேடி வாட்ஸ்- அப்பில் பதிவிட்டுள்ளார். அந்த பதிவில், புதுவையில் உயர் நீதிமன்ற உத்தரவு படி தான் கட்டாய ஹெல்மெட் சட்டம் அமல்படுத்தப்பட்டுள்ளது.

கட்டாய ஹெல்மெட் தொடர்பாக போதிய விழிப்புணர்வு செய்யப்பட்டுள்ளது. இனியும் ஹெல்மெட் அணியாமல் அடம் பிடிப்பவர்களுக்கு அதிகபட்ச அபராதம் விதிக்கப்படும்.

மேலும், தொடர்ந்து ஹெல்மெட் அணியாமல் அபராதம் செலுத்துவோர்களின் ஓட்டுனர் உரிமம் முடக்கப்படும்.

புதுவை சட்டசபையில் அ.தி.மு.க. எம்.எல்.ஏ.க்கள் ஹெல்மெட்டை உடைத்து நடத்திய போராட்டம் உச்சநீதிமன்றத் தீர்ப்புக்கு எதிரானது. உச்ச நீதிமன்ற உத்தரவுபடி இரு சக்கர வாகன ஓட்டிகள் கட்டாய ஹெல்மெட் சட்டத்தை அமல்படுத்தி உள்ளோம்.

இதை கட்டாயப்படுத்தாமல் இருப்பது, தளர்த்தி அமல்படுத்துவது சட்டப்படி குற்றம். கட்டாய ஹெல்மெட் சட்டத்துக்கு ஆதரவாக இருக்க வேண்டிய அரசியல் தலைவர்கள், இச்சட்டத்தை அமல்படுத்த தடையாக இருக்கின்றனர். சட்டம் அனைவருக்கும் பொதுவானது.

மத்திய மோட்டார் வாகன சட்டம், நீதிமன்ற தீர்ப்பு ஆகியவை சட்டத்தை அமல்படுத்தும் அமைப்புகள் ஆகும். சட்டத்தை அமல்படுத்தும் அமைப்புகளால் நாம் கட்டுப்படத்தப்பட்டு உள்ளோம்.

கட்டாய ஹெல்மெட் சட்டத்தை அமல்படுத்த முதல்-அமைச்சர் தடையாக இருப்பது குறித்து மத்திய அரசுக்கு கடிதம் அனுப்பி உள்ளேன். இச்சட்டம் தொடர்ந்து அமல்படுத்தப்படும்.

இவ்வாறு அந்த பதிவில் குறிப்பிட்டுள்ளார்.

புதுச்சேரி:

புதுவையில் சமீபத்தில் பள்ளி மாணவர்களிடையே ஒரு பட்டாசு புழக்கத்தில் வந்துள்ளது.

ரூ.10க்கு தீப்பெட்டி அளவில் 50-க்கும் மேற்பட்ட சிறு சிறு பால்ரஸ் வடிவத்தில் பட்டாசுகள் உள்ளது. இதை தரையில் ஓங்கி அடித்தால் சிறிய சத்தத்துடன் வெடிக்கிறது.

இதை மாணவர்கள் வாங்கி வைத்துக்கொண்டு ஒருவர் மீது ஒருவர் அடித்து ஆபத்தாக விளையாடுகின்றனர். இது தனியாக வெடிக்கும்போது சிறு சத்தத்தையே ஏற்படுத்துகிறது.

ஆனால், மொத்தமாக வெடித்தால் உடலில் காயத்தை ஏற்படுத்தும் வாய்ப்பு உள்ளது. பட்டாசின் பெட்டியில் இந்திய தயாரிப்பு என குறிப்பிட்டுள்ளனர்.

ஆனால், இது சீன பட்டாசாக இருக்கலாம் என்ற சந்தேகம் எழுந்துள்ளது. சீன பட்டாசு விற்பனைக்கு தடை உள்ளது. இந்நிலையில் இன்று புதுவை சட்டசபை வளாகத்திற்கு அ.தி.மு.க. எம்.எல்.ஏ.க்கள் அன்பழகன், வையாபுரி மணிகண்டன் ஆகியோர் இந்த பட்டாசுகளுன் வந்தனர்.

அங்கிருந்த பத்திரிகையாளர்களிடம் ஆபத்தான பட்டாசு குறித்து தெரிவித்து அதை சட்டசபை நுழைவு வாயிலில் எறிந்து வெடித்து காட்டினர். அப்போது அவர்கள் கூறியதாவது:-

புதுவையில் உள்ள அனைத்து தொடக்கப்பள்ளி முதல் நடுநிலைப்பள்ளி வரை படிக்கும் மாணவர்களிடம் இந்த பட்டாசு பிரபலமாகியுள்ளது. இதை மாணவர்கள் வாங்கி விளையாட்டாக எரிந்து விளையாடி வருகின்றனர். தங்கள் பையில் பள்ளிக்கு எடுத்துச்சென்று எறிந்து விளையாடி வருகின்றனர்.

சில சமயத்தில் ஒருவர் மீது ஒருவர் பட்டாசு வீசுகின்றனர். ஒட்டுமொத்தமாக பட்டாசு வெடித்தால் மாணவர்களுக்கு பெரும் காயத்தை ஏற்படுத்தும். மனரீதியாக மாணவர்களிடம் வன்முறை கலாச்சாரத்திற்கு இது ஊக்குவிக்கிறது.

எனவே,. கல்வித்துறை உடனடியாக நடவடிக்கை எடுத்து இந்த பட்டாசை தடை செய்ய வேண்டும். பள்ளி வளாகத்தின் அருகில் இந்த பட்டாசு விற்பனையை தடுத்து நிறுத்த வேண்டும்.

இவ்வாறு அவர்கள் கூறினர்.

புதுச்சேரி:

புதுவை சட்டசபை வளாகத்திற்குள் இரு சக்கர வாகனங்கள் அனு மதிக்கப்படுவதில்லை. அமைச்சர்கள், எம்.எல். ஏ.க்கள், முன்னாள் எம்.எல்.ஏ.க்கள் மற்றும் மாற்றுத்திறனாளிகள் இரு சக்கர வாகனங்களில் வந்தால் அவர்கள் மட்டும் வளாகத்திற்குள் அனுமதிக்கப்படுவர். வேறு யாருடைய வாகனங்களும் அனுமதிக்கப்படுவதில்லை.

இந்த நிலையில் இன்று காலை 11.30 மணியளவில் இந்திய கம்யூனிஸ்டு மாநில செயலாளர் சலீம் கட்சி நிர்வாகி தாமோதரனுடன் இருசக்கர வாகனத்தில் சட்டசபை வளாகத்திற்குள் வந்தார். அவரை சபை காவலர்கள் தடுத்து நிறுத்தினர்.

இதையடுத்து சலீம் ஏன் சட்டசபை வளாகத்திற்குள் அனுமதிக்க மறுக்கிறீர்கள்? எப்போது முதல் இந்த விதிமுறை உள்ளது? என கேட்டார். சபை காவலர்கள் நேரடியாக பதில் கூறாமல், அதிகாரிகளிடம்தான் கேட்க வேண்டும் என்று பதில் அளித்தனர்.

இதனால் ஆத்திரமடைந்த சலீம் அவர்களோடு வாக்கு வாதத்தில் ஈடுபட்டார். இதனால் சட்டசபை வளாகத்தில் பரபரப்பு ஏற்பட்டது.

தொடர்ந்து சபை காவலர்கள் வாகனத்தை அனுமதிக்க மறுத்தனர். இதனால் சலீம் சட்டசபைக்கு வெளியே வாகனத்தை நிறுத்தி விட்டு சட்டசபை வளாகத்திற்குள் சென்றார். #puducherryassembly

புதுச்சேரி:

புதுவை சட்டசபையில் பொதுகணக்கு குழு கூட்டம் சட்டசபை வளாகத்தில் உள்ள கமிட்டி அறையில் இன்று நடந்தது. கூட்டத்துக்கு பொது கணக்கு குழு தலைவர் சிவா எம்.எல்.ஏ. தலைமை தாங்கினார். தமிழகம் மற்றும் புதுவைக்கான முதன்மை தணிக்கை இயக்குனர் ஜெனரல் தேவிகா நாயர், துணை தணிக்கை தலைமை ஜெனரல் பெஞ்சமின் கருணாகரன் ஆகியோர் முன்னிலை வகித்தனர்.

சட்டமன்ற மதிப்பீடு குழு தலைவர் அன்பழகன் மற்றும் எம்.எல்.ஏ.க்கள் லட்சுமிநாராயணன், தீப்பாய்ந்தான், சட்டமன்ற செயலாளர் வின்சென்ட் ராயர் மற்றும் அரசு துறை அதிகாரிகள் பங்கேற்றனர்.

கூட்டத்தில் 2010-1011, 2011-2012 ஆகிய காலங்களில் அரசு செய்த செலவினங்கள், ஏற்பட்ட காலதாமதம், முறைகேடு ஆகியவை குறித்து ஆய்வு செய்யப்பட்டது.

புதுச்சேரி:

புதுவை சட்டமன்றத்தில் அமைச்சர்கள், எம்.எல். ஏ.க்கள் அலுவலகம் உள்ளது.அமைச்சர்கள், எம்.எல். ஏ.க்களை சந்திக்க நாள்தோறும் நூற்றுக் கணக்கான பொதுமக்கள் சட்டமன்றத்துக்கு வருகை தருவார்கள். அவர்கள் சட்டமன்ற நுழைவு வாயில் ஒட்டியுள்ள பகுதியில் வாகனங்களை நிறுத்திவிட்டு செல்வார்கள். பல ஆண்டுகளாக இந்த முறையே நடைமுறையில் இருந்து வருகிறது.

இந்த நிலையில் கடந்த சில தினங்களாக சுதந்திரதினவிழா பாதுகாப்புக்காக சட்டமன்றம் முன்பு வாகனங்களை நிறுத்த போலீசார் தற்காலிகமாக தடை விதித்தனர்.

தற்காலிகமாக அமைக்கப்பட்ட வாகனத்தை தற்போது போலீசார் நிரந்தரமாக்கி உள்ளனர். மேலும், சட்டமன்றத்தின் இருபுறங்களிலும் போலீசார் பேரிக்கார்டு அமைத்து வாகனங்களை நிறுத்த தடை விதித்தார்கள்.

அதோடு அங்கு நிறுத்தப்பட்டிருந்த வாகனங்களை போலீசார் பறிமுதல் செய்து எடுத்து சென்றனர். திடீர் தடையால் பொதுமக்கள் கடும் அவதிக்கு உள்ளானார்கள்.

இருசக்கர வாகனங்களை தலைமை தபால் நிலையம் அருகிலும், அரசு மருத்துவமனைக்கு அருகிலும் பொதுமக்கள் நிறுத்தினார்கள்.

வழக்கமாக நகரத்தின் மக்கள் அதிக அளவில் கூடும் பிரதான சாலைகளில் கூட ஒருபுறம் வாகன பார்க்கிங் முறை அமலில் உள்ளது. அதேபோல் சட்டமன்றத்தின் முன்பு ஓருபுற பார்க்கிங்கை அமல்படுத்தி முறைப்படுத்த வேண்டும் என பொதுமக்கள் எதிர்பார்க்கின்றனர்.